Մեր կրթական ծրագրում ներգրավված յուրաքանչյուր մասնակից ունենում է ուղեցող-խորհրդատու։ Անհրաժեշտության դեպքում կարող եք դիմել բիզնես  խորհրդատվության կամ պատվիրել մենթորի աջակցություն, ինչպես նաև ընտրել կրթական մեկ այլ ծրագիր, որը ավելի կհամապատասխանի Ձեր ցանկություններին։

Կրթական ծրագրի յուրաքանչյուր մասնակից կստանա իրեն հուզող հարցերի պատասխանները, կտրամադրվեն բիզնեսում կիրառվող փորձարկված գիտելիքներ:  Փորձագետները պարբերաբար կաջակցեն վերլուծելու  Ձեր նախագծի ուժեղ և թույլ կողմերը։ Կրթական ծրագրի արդյունքում Դուք կունենաք շահութաբեր սոցիալական բիզնես ստեղծելու գործիքները, մոտակա հինգ տարիների հստակ պլան, ինչպես նաև կառույցի կողմից շարունակական կրթություն և խորհրդատվություն ստանալու հնարավորություն։

Յուրաքանչյուր թեմայի ուսուցումից երկու ժամ անց մեր կրթական հարթակում կստանաք դասի ձայնագրությունը և հանձնարարությունները, ինչպես նաև անհատական հարց ու պատասխանի հնարավորություն։ Կարող եք  բաց թողած թեմաները   լրացնել  հաջորդ խմբի հետ։

Բոլոր տեսադասերը ուղեկցվում են սուրդո թարգմանությամբ, տողացի թարգմանությամբ՝ սղագրությամբ,  velotype լուսագրող սարքի օգնությամբ։ Տրամադրում ենք անհատական մասնագիտական խորհրատվություն և աջակցում հանձնարարությունների կատարման ընթացքում։

Դասընթացի գրաֆիկը և հետագա ծանրաբեռնվածությունը հարմարեցված են միջին վիճակագրական կյանքի տեմպ ունեցող մարդու առօրյային։ Ավտոմատացված կրթական ծրագիրը հասանելի է Ձեզ ամբողջ տարվա ընթացքում: Դուք կարող եք շարունակել կրթությունը հաջորդ խմբի հետ։

Եթե Ձեր ՍՁ գաղափարը կամ  նախագիծը կարևոր է տվյալ մարզի կամ տարածաշրջանի համար, ապա հարցազրույցի արդյունքների հիման վրա կրթական ծրագրի ավարտին կարող եք ստանալ  դրամաշնորհ կամ ֆինանսավորում Max և Pro փաթեթները ընտրելու դեպքում: